21.09.2023

“Вянок гульняў”

 Гульня – асноўная форма дзейнасці дзяцей. Існуе вялікае мноства беларускіх народных дзіцячых гульняў. Гульні выконваюць важную ролю як сродак фізічнага, эстэтычнага i інтэлектуальнага выхавання дзяцей.

 Гульневы фальклор з’яўляецца надзейным захавальнікам роднай мовы, а засваенне яе ў працэсе гульні – самы хуткі і цікавы для дзяцей шлях.

  21 верасня ў дзіцячым садку прайшоў дзень пад назвай "Вянок гульняў". Сюжэты выбраных гульняў былі самыя разнастайныя. З рабятамі былі праведзены такія гульні як "Вожык і мышы", "Зайцы і воўк", "Жмуркі", "Дудачка", "Іванка", "Заінька" і іншыя.

 Беларускія народныя гульні, як песні і танцы, - неад’емная частка народнай культуры. Яны цесна звязаны з нацыянальнымі традыцыямі, працоўнай дзейнасцю людзей, іх звычаямі, побытам. Пад час правядзення гульняў, выхаванцы атрымалі не толькі зарад бадзерасці і весялосці, але і дакрануліся да фальклору нашай Радзімы.

 Намеснік загадчыка па асноўнай дзейнасці Дайнэка Юлія Ігараўна.