28.11.2019

“Беларускі арнамент”

 Сёння сам час патрабуе далучаць дзяцей да беларускай нацыянальнай культуры, паглыбляць знаёмства з родным краем, беларускімі традыцыямі, фальклорам, прывіваць любоў да Радзімы.

   Паспяховаму далучэнню дзяцей да беларускай нацыянальнай культуры  ў нашай дашкольнай установе  спрыяюць заняткі, беларускія гульні, экскурсii.

 Фарміраванне ў дзяцей 5-6 гадоў уяўленняў аб родным краі, станоўчых адносін да яго, далучэнне да нацыянальных традыцый і каштоўнасцей – адны з галоўных задач выхавання і навучання.       

 Сярод сродкаў, якія прымяняюцца для дасягнення гэтай мэты, важнае месца адводзіцца гутаркам-размоўкам пра родную старонку. На гэтым тыдні такая гутарка прайшла ў старэйшай групе №2 па тэме: “Адзенне беларусаў”. Выхаванцы пагулялі ў гульні: "Слухай - паўтары", "Выпраў памылку", "Назаві адным словам", "Адгадай, чый галасок", "Што лішняе".

 Для замацавання атрыманых ведаў наша группа наведала мясцовы дом рамёстваӯ. Там дзецям прапанавалі разгледзяць беларускія узоры, пазнаёмілі з вышытымі беларускім арнаментам вырабамі, сімваламі, з якіх ён складаецца, іх дэталямі, колерам і што ён адзначае.

 А калі мы вярнуліся з захапляльнага падарожжа ў сваю группу, дзецi з задавальненнем на занятаку па тэме "Беларускі арнамент" упрыгожвалi ручнiк геаметрычнымі фігурамі, аздаблялі беларускiм арнаментам куфэркі.

Выхавальнік дашкольнай адукаціі

ДУА “Яслі-сад №1 г. Ганцавічы”                              Гайтюкевіч Г.М.