02.05.2019

Мы - нашчадкі Вялікай Перамогі!

Зусім хутка ў нашай краіне адбудзецца вялікае свята-Дзень Перамогі! Дзень Перамогі ў Вялікай Айчыннай вайне, у якой нашы продкі цаной уласнага жыцця абаранялі нашу Радзіму, сваіх дзяцей і будучых нашчадкаў. Наш абавязак, як педагогаў, данесці да дзяцей інфармацыю пра гэты важны дзень у гісторыі беларускага народу, каб, сустрэўшы на вуліцы Ветэрана, нашы дзеці з павагай і пашанай рэагавалі на яго. Каб не мульцяшныя персанажы і розныя "супермэны" сталі сапраўднымі героямі ў вачах нашых дзяцей, а нашы дзяды і прадзеды, і тыя, ветэраны, якія засталіся ў жывых.

02.05.2019 г. выхаванцы сярэдніх і старэйшых груп ГУО “Яслі-сад №1 г. Ганцавічы” адправіліся на экскурсію да Брацкай магілы савецкіх воінаў і партызан. Там выхавацелі распавялі дзецям, што ад рук фашысцкіх захопнікаў у гады Вялікай Айчыннай вайны загінула шмат беларусаў, якія для нас здабывалі перамогу і магчымасць размаўляць на роднай мове. Дзеці ў памяць аб загінуўшых воінах усклалі да помніка прыгожыя кветкі. На зваротным шляху яны шмат разважалі аб пачутым.

Захаваўшы ў сэрцах нашых выхаванцаў памяць продкаў, мы зможам зберагчы родную мову.

Намеснік загадчыка

па асноўнай дзейнасці

ДУА “Яслі-сад №1 г. Ганцавічы”               Рулінская Т.У.