29.08.2019

Свята беларускай гульнi

 Пройдзе час i сённяшнiя дашкольнiкi будуць вызначаць будучыню роднай Беларусi. I вельмi важна зараз звярнуць увагу на выхаванне любовi да роднай мовы i роднага краю. Менавiта праз знаёмства дзяцей з беларускiмi народнымi гульнямi можна пазнаёмiць iх з культурай беларускага народу.

 На працягу усёй нядзелi дзяцей нашай установы выхавацелi знаёмiлi з беларускiмi народнымi гульнямi. А сёння педагогi наладзiлi свята беларускай гульнi. Да гаспадароў свята Лявона i Лявонiхi ў госцi завiталi Каток-шэры бок, Варона-Стракатуха, Вачўок-Мiкiтка, Маша i Мядзведзь, Лiса-прыгажуня i Дзед Мазаль. Кожны з герояў падрыхтаваў для дзяцей сваю цiкавую беларускую гульню.

 Праз народныя гульнi ажыццяўляецца працэсс фармiравання ўяўлення аб родным краi, знаёмства з асноўнымi паняццямi, з’явамi, прадметным i прыродным светам на беларускай мове.

 Прапанаваная на свяце варыятыўнасць гульняў дазваляе пашырыць магчымасць iх выкарыстання ў розных формах работы з дзецьмi.