13.01.2020
Калядкi у нашым садку
Святкі, або, як іх яшчэ называюць, Святыя вечары - гэта зімовае народнае свята, якое пачынаецца на Каляды і доўжыцца цэлых два тыдні, да самага Вадохрышча. У Калядныя вечары ўладкоўваліся у Белрусi святочныя гулянні - хадзілі па дварах натоўпам, спявалі велічальныя песні, у якіх славілі гаспадароў, жадалі ім добрага здароўя, багатага ўраджаю. Усе з нецярпеннем чакалі прыходу калядоўшчыкаў з іх Каляднымi гульнямi. Людзі верылі, што да каго яны зойдуць, той двор у новым годзе удачлівы будзе, з дастаткам і прыбыткам.
Вось і ў нашым дзіцячым садзе №1 «Казка» 13 студзеня 2020 года прайшлі Калядкi. Прычым, дашкольнікі былі не толькі гледачамі, але і непасрэднымі ўдзельнікамі. Добры эмацыйны настрой падарылі калядоўшчыкі дзецям і супрацоўнікам дзіцячага садка. Яны выканалі калядныя песні, прыказкі, заклички, услаўляючы Каляду. Вадзілі карагоды, гулялі ў народныя гульні, ладзілі вясёлыя переплясы, спявалі песні і прыпеўкі. Свята дало дзяцям незабыўныя ўражанні.Яно атрымалася вясёлым, шумным і відовішчным.
У прыбраных касцюмах, з песнямі і закличкамi, з пажаданнямі багацця і шчасця калядоўшчыкі абышлі ўвесь дзіцячы сад. Гаспадары былі шчодрыя: частавалі гасцей прысмакамі. Удзельнічаючы ў такіх мерапрыемствах, дашкольнікі далучаюцца да беларускай культуры і традыцый. Гэта з'яўляецца неад'емнай часткай духоўна-маральнага выхавання.