28.02.2020
Масленіца ў нашым садку.
Масленіца – вясёлае свята провадаў зімы і сустрэчы вясны, якое з задавальненнем адзначаюць як дзеці, так і дарослыя. Але трэба памятаць, што Масленіца – гэта старажытнае свята, якое захавалася пасля хрышчэння Русі.
У нашым ДУА «Яслі-сад №1 г. Ганцавічы» такія народныя святы праводзяцца штогод і сталі ўжо любімымі, доўгачаканымі і традыцыйнымі для дзяцей. Дзеці загадзя рыхтаваліся да Масленіцы: на занятках з выхавацелямі, яны даведаліся, як раней нашы продкі святкавалі Масленіцу, адкуль бярэ пачатак гэты звычай і што ён азначае.
І сёлета 26 лютага нашы выхаванцы сталі ўдзельнікамі святкавання "Шырокай Масленіцы". Мерапрыемства праходзіла на свежым паветры на пляцоўцы перад дзіцячым садком. На свяце гучала вясёлая народная музыка, ствараючы настрой радасці, весялосці і запалу ў дзяцей.
Як водзіцца на свяце: весяліліся ад душы усе. У госці да дзяцей прыходзілі скамарохі, Вясна, мядзведзь, Лесавік і вядома ж Масленіца. Кожны з гасцей свята прыходзіў да дзяцей са сваёй вяселай гульней. Удзельнікі свята ахвотна ўдзельнічалі ў розных гульнях “Мядзведзь спіць”, “Вясёлы бубен”, “Баі падушкамі”, “Хто хутчэй даскача на мятле” і мноства другіх вяселых забаў.
Больш за ўсё дзецям спадабаліся вяселыя танцы с героямі пад народныя матывы. Свята скончылася, а ногі адмаўляліся стаяць на месцы. Я думаю зарад весялосці атрымалі ўсё!
Удзел у такіх народных святах духоўна ўзбагачае дзіця, выхоўвае гонар за свой народ, падтрымлівае цікавасць да яго гісторыі і культуры. Народныя святы спрыяюць таму, каб дзеці добра ведалі і паважалі сваё мінулае, свае вытокі, гісторыю і культуру свайго народа.
Намеснік загадчыка па асноўнай дзейнасці Рулінская Т.У.